Tuugkisten in Oost-Nederland

Everhard Jans (Almelo, 11 jannewaori 1941 - Zwolle, 26 november 2013) was een Twèentse regionalist, publicist en illustrator. Jans was de zeune van de Almelose architect Jan Jans en van Irma Paulina Cammaert. Hij studeerde an de Academie voor Kunst en Industrie, ofdieling boekverzörging en illustraties, in Eanske; daornao studeerde-n-e keunstgeschiedenis in Mönster. Daor promoveerde e op een proefschrift aover börgerhuzen maank Iesselt en Eems van 1400 töt 1850. Al op achttienjaorige leeftied begunde e te publiceren in tiedschriften als Volkskunde en Twenterlaand en -leu en sproake. Aandere titels daor as e in kwaamp te schrieven, waren Neerlands Volksleven, de Driemaandelijkse Bladen, Heemschut, Twentse Post, De Mars, Stad en Land, Historische Kring Almelo, De Nieje Tied, 't Inschrien en Jaarboek Twente.